Xəbər lenti



Azərbaycan Respublikasının Prezidenti İlham Əliyev aprelin 10-da Türkiyə Respublikasının ölkəmizdəki fövqəladə və səlahiyyətli səfiri Erkan Özoralı qəbul edib.

Edaletyolu.az-ın xəbərinə görə, səfiri salamlayan Prezident İlham Əliyev dedi:

- Hörmətli cənab səfir, sizin fəaliyyət müddətiniz başa çatır, siz Türkiyəyə qayıdırsınız. İlk növbədə, sizə gördüyünüz işlərə görə öz təşəkkürümü bildirmək istəyirəm.

 

Fəaliyyət müddətində siz Türkiyə-Azərbaycan qardaşlıq əlaqələrinin inkişafı üçün çox böyük işlər görmüsünüz, səylər göstərmisiniz və bu gün bu əlaqələr ən yüksək zirvədədir. Bütün sahələrdə Türkiyə-Azərbaycan dostluğu, qardaşlığı, birliyi özünü təsdiq etdi və 44 gün davam edən İkinci Qarabağ müharibəsində Türkiyənin Azərbaycana göstərdiyi dəstək, əlbəttə, həmişə bizim xatirimizdə olacaqdır, bizim qəlbimizdə yaşayacaqdır. Əziz qardaşım, hörmətli Cümhurbaşqanı Rəcəb Tayyib Ərdoğanın müharibənin ilk saatlarından bizə verdiyi dəstək bizi ruhlandırdı və bəzi xarici qüvvələrin bu müharibədən kənarda durmasını təmin etdi.

Bizim əlaqələrimiz çoxşaxəlidir. Siz burada fəaliyyət göstərən səfir kimi əlbəttə ki, bu əlaqələrin nə qədər dərin olmasını yaxşı bilirsiniz. Elə bir sahə yoxdur ki, o sahədə biz əməkdaşlıq etməyək. Son illərdə bütün sahələrdə böyük inkişaf var. Artıq bizim vətəndaşlarımızın qardaş ölkələrə pasportsuz, yəni, daxili sənədlə səfər etməsi, əlbəttə ki, əlaqələrimizin nə qədər dərin olmasından xəbər verir.

Sizin buradakı fəaliyyətiniz həm bir səfir, həm də bir türk vətəndaşı kimi böyük təqdirlə qarşılanır. Siz burada özünüzü vətəninizdəki kimi hiss etmisiniz, bu da təbiidir. İndi demək istəyirdim ki, vətənə qayıdırsınız, əslində, siz vətəndəsiniz və hər zaman burada sizin yeriniz var, bizim ürəyimizdə yeriniz var. Bilirəm ki, Azərbaycan ictimaiyyəti, Azərbaycanda fəaliyyət göstərən ictimai təşkilatlar, media nümayəndələri, rəsmi şəxslər sizin fəaliyyətinizə çox böyük qiymət verirlər, o cümlədən mən. Çünki bu illərdə, əlbəttə ki, həm burada, həm Türkiyədə çoxsaylı səfərlərim əsnasında sizin fəaliyyətinizin şahidi olmuşam və görmüşəm. Bilirəm ki, siz bütün səylərinizi iki qardaş xalqın bir-birinə daha yaxın olmasına istiqamətləndirmisiniz.

Bütün bunları nəzərə alaraq, siz Azərbaycan dövlətinin yüksək ordeni - “Dostluq” ordeni ilə təltif edilmisiniz və istərdim ki, bu yüksək mükafatı sizə təqdim edim.

X X X

Prezident İlham Əliyev “Dostluq” ordenini səfir Erkan Özorala təqdim etdi.

X X X

Səfir Erkan Özoral dedi:

- Çox təşəkkür edirəm. Çox sağ olun.

Cənab Prezident, məni bu şərəfə layiq bildiyiniz üçün Sizə çox təşəkkür etmək istəyirəm, minnətdarlığımı bildirirəm. Siz də dediyiniz kimi, mən Azərbaycan ilə Türkiyəni heç vaxt bir-birindən ayırmadım. İkisi də mənim Vətənimdir, birinci Vətənim, ikinci Vətənim deyil. İkisi də eyni dərəcədə Vətənimdir. Ankara mənim üçün nə qədər əzizdirsə, Bakı da eynidir mənim üçün. Bu sevginin nəticəsi odur ki, özümü çox bəxtiyar hiss edirəm. Çünki Azərbaycana gəlmiş və gələcək bütün türk səfirləri içində ən gözəl anlara şahidlik edən səfir mən oldum. Bu Vətən müharibəsinə şahidlik etmək mənim üçün çox böyük xoşbəxtlik oldu. Özümü fərqli hiss edirəm.

 

Mən burada Türkiyə ilə Azərbaycanın bir-birinə daha da yaxınlaşması üçün vəzifəmi yerinə yetirdim. Xalqlarımızın bir-birinə yaxınlaşması üçün çalışdım. Amma bu işi görməyə imkanı təmin edən Sizlər, cənab Prezidentlərimiz bizim üçün açdığınız yol oldu. Bunları onun sayəsində edə bildik. Azərbaycanda fəaliyyət göstərdiyim müddətdə bütün qurumlardan, rəsmi şəxslərdən bütün səviyyələrdə başda Siz olmaqla hər zaman dəstək aldım. Hamınıza ayrıca təşəkkür və minnətdarlığımı bildirmək istəyirəm. Azərbaycan xalqına Sizin şəxsinizdə minnətdarlığımı çatdırmaq istəyirəm. Hər zaman qardaşlığımızı hiss etdim, getdiyim hər yerdə ona şahid oldum. İnşallah, Türkiyə ilə Azərbaycan bundan sonra daha da bir-birinə yaxın olacaq. Çünki Sizin də söylədiyiniz kimi biz birlikdə güclüyük. Çox təşəkkür edirəm, çox sağ olun.

***

saat 10:29

Azərbaycan Respublikasının Prezidenti İlham Əliyev aprelin 10-da Türkiyə Respublikasının ölkəmizdəki fövqəladə və səlahiyyətli səfiri Erkan Özoralı qəbul edib.

APA xəbər verir ki, Prezident İlham Əliyev səfir Erkan Özorala Azərbaycan ilə Türkiyə arasında dostluq və əməkdaşlıq əlaqələrinin inkişafındakı xüsusi xidmətlərinə görə “Dostluq” ordeni təqdim edib.

 

Bölmənin digər xəbərləri

04 May 2021 Mövlud Çavuşoğlu Sloveniyada səfərdədir
03 May 2021 Səfir: “Son zamanlar Azərbaycan-Türkiyə münasibətlərində böyük irəliləyiş qeydə alınıb”
27 Aprel 2021 Azərbaycan-Pakistan biznes forumu keçiriləcək
24 Aprel 2021 Azərbaycan ictimaiyyət nümayəndələri Rusiya səfirliyinə müraciət edib
21 Aprel 2021 Türkiyənin Azərbaycandakı yeni səfiri işə başladı – FOTO
21 Aprel 2021 Ərdoğan yeni üç nazir təyin edib
20 Aprel 2021 Azərbaycan Yaponiya şirkəti ilə əməkdaşlıq haqqında memorandum imzalayıb
19 Aprel 2021 Türkiyə və Yunanıstan Müdafiə nazirlikləri arasında görüş keçiriləcək
16 Aprel 2021 Matviyenko: “Yaxın vaxtlarda 100 min dozadan çox “Sputnik V” peyvəndi Azərbaycana göndəriləcək”
15 Aprel 2021 Ərdoğan Yunanıstan XİN başçısını qəbul edib - YENİLƏNİB
15 Aprel 2021 Rusiya XİN Azərbaycanla Ermənistan arasında davamlı sülhə istiqamətlənən təşəbbüsləri alqışlayır
14 Aprel 2021 Rusiya və İranın XİN rəhbərləri Qarabağ mövzusu ətrafında müzakirə apardılar
12 Aprel 2021 Leyla Əliyevanın şeir kitabının təqdimatı olub
10 Aprel 2021 Hikmət Hacıyev: “44 günlük müharibədə Türk Şurası Azərbaycana öz dəstəyini göstərdi”
08 Aprel 2021 Türk Şurası informasiya və media üzrə yüksək vəzifəli rəsmilərinin Bakıda toplantısı keçiriləcək
06 Aprel 2021 Çavuşoğlu BMT Baş Assambleyasının Prezidenti ilə görüşüb
06 Aprel 2021 Dəmir yollarında gediş haqqının bank kartları ilə ödənilməsinin son sınaqları keçirilir
01 Aprel 2021 Səfir: “Çin Azərbaycana təmənnasız 150 min doza vaksin göndərəcək”
31 Mart 2021 İşğaldan azad olunmuş ərazilərə indiyədək qanunsuz keçən 12 nəfər mina partlamasından həlak olub
30 Mart 2021 Rusiyadakı azərbaycanlılar "Ədalətli Rusiya" partiyasına sərt etirazlarını bildiriblər