Xəbər lenti


Prezident İlham Əliyev Azərbaycan Respublikasının işğaldan azad edilmiş ərazilərində “yaşıl enerji” zonasının yaradılması ilə bağlı tədbirlər haqqında sərəncam imzalayıb.

Edaletyolu.az sərəncamın mətnini təqdim edir:

1. Azərbaycan Respublikasının işğaldan azad edilmiş ərazilərində “yaşıl enerji” zonasının yaradılması ilə əlaqədar müvafiq konsepsiyanın və baş planın hazırlanması üçün ixtisaslaşmış beynəlxalq məsləhətçi şirkətin cəlb edilməsi məqsədilə Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Energetika Nazirliyinə 1.391.040,0 (bir milyon üç yüz doxsan bir min qırx) ABŞ dollarının manat ekvivalenti məbləğində vəsait ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

***

İlham Əliyev Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”ndə dəyişiklik edilməsi haqqında fərman imzalayıb.

Fərmanda qeyd olunur: Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Respublikası Prezidentinin 2017-ci il 25 dekabr tarixli 1760 nömrəli Fərmanı (Azərbaycan Respublikasının Qanunvericilik Toplusu, 2017, № 12 (I kitab), maddə 2328; 2018, № 5, maddə 897, № 8, maddə 1690; 2019, № 1, maddə 60, № 3, maddələr 411, 416, № 6, maddə 1014, № 12, maddə 1923) ilə təsdiq edilmiş “Azərbaycan Respublikasının İpoteka və Kredit Zəmanət Fondunun Nizamnaməsi”nin 6.2-ci bəndində “637 000 000 (altı yüz otuz yeddi milyon)” sözləri “798 000 000 (yeddi yüz doxsan səkkiz milyon)” sözləri ilə əvəz edilsin.

2. Bu Fərmanın 1-ci hissəsinin icrası aşağıdakı maliyyə mənbələri hesabına təmin edilsin:

2.1. “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinə uyğun olaraq təsdiq edilmiş tədbirlər planına əsasən güzəştli ipoteka kreditləri üçün ayrılan 90,0 (doxsan) milyon manat hesabına;

2.2. “Azərbaycan Respublikasının 2021-ci il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2020-ci il 30 dekabr tarixli 1241 nömrəli Fərmanının 1.11.7.5.1-ci yarımbəndi ilə Azərbaycan Respublikası İpoteka və Kredit Zəmanət Fondunun (bundan sonra – Fond) nizamnamə kapitalının artırılması (güzəştli ipoteka kreditlərinin maliyyələşdirilməsi) üçün 2021-ci ilin dövlət büdcəsindən Fonda ayrılan vəsaitin 71,0 (yetmiş bir) milyon manatı hesabına.

3. Azərbaycan Respublikasının Maliyyə Nazirliyi və Fond bu Fərmandan irəli gələn məsələləri həll etsinlər.   /Axar.az/

Bölmənin digər xəbərləri

23 İyun 2021 Vətən müharibəsinin 100 nəfər qazisi və onların övladları üçün tibbi aksiya həyata keçirilir
21 İyun 2021 Prezident fərman imzalayıb
21 İyun 2021 Prezident Pakistana minnətdarlıq etdi
21 İyun 2021 Prezidentdən xüsusi, hərbi və diplomatik rütbələrlə bağlı FƏRMAN
20 İyun 2021 Yasəmən Qəyyumlu Sumqayıt şəhər sakini Şəhid-Mayor Rahib Babayevin Mövludunda iştirak etdi
20 İyun 2021 İranda Əliyevlə Ərdoğana da səs verildi
18 İyun 2021 Kuznetsov: Sərhəd 1921-ci il xəritələri ilə çəkilə bilər
18 İyun 2021 Fövqəladə Hallar Nazirliyinə yeni səlahiyyət verildi
17 İyun 2021 Yasəmən Qəyyumlu şəhid Əsəd Əsədlinin mövludunda iştirak etdi
17 İyun 2021 Yasəmən Qəyyumlu şəhid Elçinin adına inşa olunmuş Su bulağının açılışında iştirak etdi
16 İyun 2021 Suraxanı RİHB-sı şəhidin ad günüdə ailənin evlə təmin olunmasını təmin etdi
16 İyun 2021 Ərdoğanla Bayden 3 məsələdə razılaşdı
16 İyun 2021 Şuşa bəyannaməsi: Türkiyə artıq qarant oldu! – Detallar
16 İyun 2021 Qalib qardaşların Şuşa görüşü: Növbəti qələbələrin təməli qoyuldu
14 İyun 2021 Ərdoğanın Makronla görüşü başa çatdı
14 İyun 2021 Ərdoğanın Azərbaycan səfərinin proqramı AÇIQLANDI
14 İyun 2021 "Ermənistanın Ağdamda minalanmış ərazilərin xəritəsini təqdim etməsi Prezident İlham Əliyevin növbəti qələbəsidir"
14 İyun 2021 Köçəryanın sərsəm iddiası: Hadrutu alacam, Şuşanı isə...
12 İyun 2021 Millət vəkili şəhid Abdurahmanlı Sübhanın anası ilə görüşdü
11 İyun 2021 Prezident İlham Əliyev: Azərbaycan ilə Rusiya arasında münasibətlərin dinamik və uğurlu inkişafı xüsusi məmnunluq doğurur